کامران ایدیم وصال یارده سیّد کیمی

گلدی فکرین کؤنلومه، یا رب، اولا جان بی خبر،
جان چیخایدی جسمدن احواله جانان بی خبر.
یاندیریر بال و پرین پروانه شمه هر گئجه،
سوزش پنهاندان اول شمع شبستان بی خبر.
واقف اولسایدیم قویارمییدیم چیخا خط رویوه،
توتدو بو گولزاری اول خار مغیلان بی خبر.
غافل اولدون، ای منجیم، آچمادین تقویمده،
گرد خط قوندو، توتولدو ماه تابان بی خبر.
اولما غافل حالت عشاق دن، ای مورخت،
هیچ حال موردن اولماز سلیمان بی خبر.
گؤز اؤنون بارماق لاریملا توتموشام شام و سحر،
قورخورام ناگه اولا عالمده طوفان بی خبر.
کامران ایدیم وصال یارده سیّد کیمی،
سالدی شوکتدن منی آخردا هجران بی خبر.