همیشه کسرت غم کسرت ایچره دیر، سیّد

کیمین کی، سن کیمی بیر یار سرو قامتی وار،
قدین فداسی اولوم، گونده یوز قیامتی وار.
او وقتدن کی، سالیب باشیمی بلایه کؤنول،
قیلیر کی، شکر، اونون حالت سلامتی وار.
توهم ائتمه کی، تیغیندن اعتراض ائدیرم،
تؤکرسه قانیمی، ای شوخ، جانه منتی وار.
زامان هجرده گاه آغلاییب، گهی گولورم،
بو عشق عالمی نین اؤزگه نوع حالتی وار.
دوام قیلمادی بیر تیشه یه سر فرهاد،
اونون طریق بلاده منه نه نسبتی وار؟
زبان حال قیلیر حالیمی اؤزو تقریر،
دیلیم کسیلسه، بیانه بونون نه حاجتی وار؟
همیشه کسرت غم کسرت ایچره دیر، سیّد،
خوش اول کی، عالم آرا کسرت ایچره وحدتی وار.