سیّد، تحمل ائت شب هجرانه، چکمه آه

هر اهل حسن کیم، من بدبخته یار اولور،
بیلمم نه رمزدیر کی، دؤنوب شیوه کار اولور.
هر ماه سیم ساقه کی، من مشتری اولام،
سنگ محکده قلب چیخیب، کم عیار اولور.
یوز دفعه لطف ایله ائله سه وعدۀ وصال،
قسمت منه هامان الم انتظار اولور.
بونجا جفالارین گؤروب اول بینوا کؤنول،
اول بیوفایه، گؤر، گئنه امیدوار اولور.
سیّد، تحمل ائت شب هجرانه، چکمه آه،
بیر گون اولور کی، کامینجه روزگار اولور.