منو
سیّدا، صحبت زؤهّاده هوس ائیلهمه کیم
سانما غم دفعینی دلدن مئی گولگون ائیلر،
اولسا هر کیمسه ده غم مئی دخی افزون ائیلر.
ائتمیشم تجروبه کیم، عشق ایله بیمار اولانین
نه علاجین خومو ساغر، نه فلاتون ائیلر.
اجتناب ائیلهمه مئی دن، بو او جوهردیر کیم،
اشعثی حاتم ائدر، مفلسی قارون ائیلر.
اول کی، بیر شیشه شرابی آلا دنیانی وئریب،
اعتقادیم بودور اول کس گئنه مغبون ائیلر.
سیّدا، صحبت زؤهّاده هوس ائیلهمه کیم،
طبعی افسرده قیلار، خاطری محضون ائیلر.