اؤزوو دلبره لاقید گرک گؤستره سن

کیم کی، سیّد، اؤزونه بیر گؤزه لی یار بیلیر،
نه قدر جور ائله سه جانه سزاوار بیلیر.
نه قدر جور و سیتمدن ائده معشوقو گناه،
گئنه عاشیق اؤزون عشقینده گونه کار بیلیر.
بئله دیر قایده گولزار جاهان ایچره کی، گول
بولبولو ترک قیلیب، همدمینی خار بیلیر.
کیمینی تور تجّلاده یاخار برق جمال،
کیمینی عزت ایله قابل دیدار بیلیر.
اؤزوو دلبره لاقید گرک گؤستره سن،
ظلم بنیاد ائدیب اول وقت کی، ناچار بیلیر.