منو
پیمانه نی سیندیرمایا تا سنگ حوادث
ای خسته کؤنول، عزم سر کوی نگار ائت،
اول کویده جان نقدینی جانانه نثار ائت.
ماه روخ جانان خط ایله اولدو سیه گون،
گون کئچدی، کؤنول، گل دخی فکر شب تار ائت.
پیمانه نی سیندیرمایا تا سنگ حوادث،
مئی شیشه‌لرین دورنه، ای دوست، حصار ائت.
جهد ائت اولاسان وسوسۀ عقل دن آزاد،
مجنون کیمی سئیر ائتمگه صحرایه گذار ائت.
مسجیدده حصیری ائلمه آلت تزویر،
مردانه قدح توت، بو ریادن دخی عار ائت.
منظورون اگر عالم آرا کسب ضیا دیر،
بیر ماهروخون توت اتگین، بوس کنار ائت.
ای سیّد، اگر هشت بهشت ایسه مرادین
عالمده، یئری، پیرو هشت و چهار ائت.