توبه ائتدین مئی گولفامدن، ای سیّد زار،

او گون اولسون کی، گئنه مجلسه دلبر گلسین
چیخیبان برج دن اول ماه منور گلسین.
گئنه سعاقلر اله بادۀ گولگون آلسین،
بزمه مینا دوزولوب، گردشه ساغر گلسین.
بزم عشرتده اگر یار اولا، بیر حالتی وار،
مست اولوب رقص ائله سین، حالت دیگر گلسین.
نوش بادا!–لب آچیب بادنی شیرین ائتسین،
تلخ مئی زایقۀ جانیما شکّر گلسین.
سهل دیر کیم، ائده سن قانیمی سو کیمی روان،
تک سنین قاشلاروون تیغینه جوهر گلسین.
ای منی اول مه خورشیدلیقادن آییران،
گؤروم عالمده گونون شامه برابر گلسین.
گرچی هجراندا، کؤنول، بد کئچینیر احوالین،
شکر قیل، اولمایا بوندان دخی بدتر، گلسین.
توبه ائتدین مئی گولفامدن، ای سیّد زار،
هله صبرایله کی، فصل گول احمر گلسین