منو
دهنین وصلینه، سیّد، گئنه درمان دئدی لر
دهنین دلبریمین چشمۀ حیوان دئدی لر،
کیم اینانیر بو سؤزه، گؤز گؤره بهتان دئدی لر.
زلفونه سؤیلهدی لر مشک ختا، نافۀ چین،
حقینی بیلمهدی لر، حرف پریشان دئدی لر.
گؤردولر قان ایچیجی گؤزلرینی اهل نظر،
بو ستمگرلری آخردا توتار قان، دئدی لر.
گتدی لر دوزخ اودون عاشیق اوچون دنیایه،
او جگرسوز اودون آدینی هجران دئدی لر.
هجر دردینه دوا سوردوم اطبا لردن،
دهنین وصلینه، سیّد، گئنه درمان دئدی لر.