بو امید ایله کی، قانیمی تؤکر غمزن اوخو

دئدیم: ای گول، نیه ائتدین منی زلفونده اسیر؟
دئدی: دیوانه اولان شخصه گرک دیر زنجیر.
دئدیم: اول ترۀ پرچینده ندیر رخسارین؟
دئدی: بو صورتی چین ایچره قیلیب لار تصویر.
دئدیم: اول عارض زیباده ندیر خط سیاه؟
دئدی کیم، مصحف رخساریما دوشموش تفسیر.
بو امید ایله کی، قانیمی تؤکر غمزن اوخو،
ای گؤزون صدقه سی، عمداَ قیلیرام یوز تقسیر.
خامۀ سیّد اگر کیم، اولا یوز مویشیکاف،
صفت مو میانین ائده بیلمز تحریر.