زبس کی، آرزوون حسرتین چکر سیّد

کؤنول طپیده لنیر، یوخسا نازلی یار گلیر،
اوچور گؤزوم، مگر اول سرو گولعذار گلیر؟
صبا گتیردی گئنه مژدۀ گولوستانی،
شکفه‌لر آچیلیر، فصل نوباهار گلیر.
زبس کی، منتظرم، هر آیاق صداسیندان
تصور ایلییرم بلکه نازلی یار گلیر.
ایاغی آل اله، ساقی، منه پئیاپئی وئر،
آماندی، قویما، منیم باشیما خومار گلیر.
شرار تیغ ایله یاندیر منی، اگر مندن،
حبیبیم، آیینۀ کؤنلوه غبار گلیر.
مگر کی، رهگذر یارده آچیب زلفون،
مشامه لخلخۀ نافۀ تاتار گلیر.
زبس کی، آرزوون حسرتین چکر سیّد،
آچیلسا یوز گول تر گؤزلرینه خار گلیر.