سیّد، نه گرک دیر منه اول لعل بدخشان،

فرهاد منم کیم، بئله شیرین سخنیم وار،
بیر عارضی گولگون، لبی شکّر شیکنیم وار.
یوخ مملکت رئیده شه ناصریدی نین،
بو گوهر نایاب کی، شیرواندا منیم وار.
بحرینه دؤنوب یار غمیندن ایکی چشمیم،
قانلی صدف ایچره نئجه دور عدنیم وار.
اول زلف سیاه اولدو منیم دارالسلامیم،
شام ایچره، شریف اؤلکه ده زیبا وطنیم وار.
بسدیر، منه خاک قدمی، خیرقۀ چاکیم،
یوخ غم کی، نه کافو رو نه سیدر و کفنیم وار،
باطن اوزومون شاهدیدیر حسن کلامیم،
المنت و لیلله بئله وجه حسنیم وار.
سیّد، نه گرک دیر منه اول لعل بدخشان،
یوز لعله دگن تازه عقیق یمنیم وار.