سیّد، گلیب اول گوهر نایاب سفردن

عنبر ساچیلیر، غافلۀ اود گلیب دیر،
گویا کی، گئنه چنگ و دف و اود گلیب دیر.
خورشید گئنه طالع اولوب برج حمل دن،
بیتوش شرفه اختر مسعود گلیب دیر.
ایام باهار اولدو، آچیلدی گول و لاله،
دنیایه مگر جنّت مؤعود گلیب دیر؟
بوتخانۀ شیروانه گئنه بیر بت زیبا،
یا صورت انسانه او معبود گلیب دیر.
اول قاشی هلالیم یئتیشیب حد کماله،
بیلدیرکی ضیانین ائله‌ییب سود، گلیب دیر.
سیّد، گلیب اول گوهر نایاب سفردن،
گوهر ساچیلیر، لؤلؤ منزود گلیب دیر