سنی اول گؤزلری خونخوار سالیب دیر گؤزدن

بس کی، ای دل، هوس زلف گره گیر ائتدین،
آخر اول زلفو منیم بوینوما زنجیر ائتدین.
ای کؤنول، من کی گؤروب یاری آیاقدان دوشدوم،
دئ گؤروم اؤز غمینی سن نئجه تقریر ائتدین؟
عارض یاریمی، ای صانع آفاق، مگر
قرو انبیق محو مهرایله تقطیر ائتدین؟
ائیله دین وعده کی، وصلین گونو قانیم تؤکه سن،
ای اولوم وعدنه قربان، نیه تآخر ائتدین؟
باعث نار دئدین مهر روخین، ای واعظ،
گؤر بهشت آیه سینی سن نیه تفسیر ائتدین؟
وئردی دل اول سنمین کفر سر زلفوندن،
زاهدا، سن نیه آنجاق منی تکفیر ائتدین؟
سنی اول گؤزلری خونخوار سالیب دیر گؤزدن،
گئنه، ای سیّد بیچاره، نه تقصیرائتدین؟