منو
ائتدین کمند زلفوو پر تاب، ای پری
چکمیشدی قتلیم ائتمه یه یوز تیر، گؤزلرین،
ظالم، نه اولدو ائیلهدی تآخر، گؤزلرین؟
مست ایدی، آلدی خامۀ مژگانی دستینه،
فتوای قتلیم ائیلهدی تحریر، گؤزلرین.
صید حرم حرام دیر، ای قیبلۀ صفا،
آهو شکارین ائتدی گئنه شیر گؤزلرین.
قاشینلا قتلیم ائتمگه پیوست اولدولار
اگری لرایله ائیلهدی تدبیر، گؤزلرین.
ظالم، دیار عشقه هولاکوی تازاسن،
اولماز بو قانلار ایچمک ایله سیر گؤزلرین.
گیسولر ایچره ائتدی کمین تورک مست تک،
شبخونلار ائتدی کؤنلومه شبگیر گؤزلرین.
ائتدین کمند زلفوو پر تاب، ای پری،
سیّد تک ائیلهدی منی نخجیر گؤزلرین.