هر شام و سحر، وردی بودور سیّد زارین

یا رب، کیم اولور عرضیمی جانانه یئتیرسین،
درد دلیم اول خسرو خوبانه یئتیرسین.
خورشیده دئسین، ذرۀ سرگشته ملالین،
پروانه سؤزون شمع شبستانه یئتیرسین.
جمعیت دل کسرت غمدندی پریشان،
بو حالی او گیسوی پریشانه یئتیرسین،
بو مرغ گرفتار قفس صورت حالین،
اول غنچۀ نوخیز گولوستانه یئتیرسین.
مندن یئتیریب اول شهه عجز ایله دعا لر؛
خاک قدمین دیدۀ گریانه یئتیرسین.
هر شام و سحر، وردی بودور سیّد زارین،
الله سنی بیرده بو شیروانه یئتیرسین.