تاس اؤپدو الین، باغرینی سو ائیله‌دی سیّد

دلاک پسر کایینۀ اهل نظردیر.
بیر صورت بی مثلدی، بیر شکل دیگردیر.
ابرولری بیر تیغدی، مژگانلاری نشتر،
رگ دن آچیلان نشترینه خون جگردیر.
جام ایله حجاب اولدو اونون تیغینه باشیم،
باشیما بلا اولدو منیم ده، بو نه سردیر.
بیر الده توتوب تیغینی، بیر الده توتوب سنگ،
دوایه گلیرسه اونا جانیم نه سپردیر.
ال ورسا اگر چرخه، چیخار گؤگ لره آهیم،
ای چرخ جفاکار، سنه جای حذردیر.
میقراض جفا ایله اگر رشتۀ عمروم
قطع ایله سه بیلله دئمزم کیم، نه خطردیر.
شانه کیمی صدچاک ایدی کؤنلوم بو حسددن
کیم، شانه کش ترۀ هر شبعده گردیر.
ای گول، نه روا دیر دورا هر خاره مقابل
رویین کی، گولوستان صفاده گول تردیر.
ای کاش، اولایدیم قاییش اول موی میانه،
وه وه، نه گؤزل موی میان و نه کمردیر.
تاس اؤپدو الین، باغرینی سو ائیله‌دی سیّد،
گؤزدن تؤکولن اشک دئگیل، خون جگردیر.