سیّد، بو غزل مطلعین ائتدیکده سن اینشا

وصلینده ایدیم محنت هجرانی بیلیردیم،
جنّتده ایکن آتش نیرانی بیلیردیم.
غافل او سر زلفوه دل وئرمدیم، ای گول،
البته کی، بو حال پریشانی بیلیردیم.
هرچند کی، بیمار گؤزون خسته سی اولدوم،
من اولمایا جاق دردیمه درمانی بیلیردیم.
وصلینده اگرچی نئچه گون شاد ایدیم، ای مه،
من کینۀ بو گردش دورانی بیلیردیم.
اول گون کی، قدم شوق ایله بو گولشنه قویدوم،
من سرزنش خار مغیلانی بیلیردیم.
موشگولدو دخی عاقبت کار اولا محمود،
آغازده بو محنت پایانی بیلیردیم.
اول گون کی، دله دوشدو سنین شوق دهانین،
من اوندا اولان نکتۀ پنهانی بیلیردیم.
زلفون آنیبان سورۀ ”واللیل” اوخویوردوم،
من هر گئجه بو معن قرآنی بیلیردیم.
یاده سالیبان رویوی “والشمس” اوخوردوم،
کیفیت خورشید درخشانی بیلیردیم.
من بیلمز ایدیم سورۀ اخلاص دان اؤزگه،
توحید خداوندده معنانی بیلیردیم.
سیّد، بو غزل مطلعین ائتدیکده سن اینشا،
ضیمنینده اولان رمزی، معمانی بیلیردیم.