سیّد، جاهاندا کسرق ایله یوخ روجوعوموز

تا کوی یارده اؤزومه منزل ائتمیشم،
آسان ایکن اؤزوم ایشیمی مشکل ائتمیشم.
بیر قطره قان اوغورلامیشام تیغ یاردن،
سینه مده وئرمیشم یئر، آدین من دل ائتمیشم.
وئردیم غمینده خرمن عمرومو باده من،
پروانه تک او خالینی من حاصل ائتمیشم.
دون گئجه شورب بادنی من توبه ائیله دیم،
ساقی، باغیشلا، سندن ایشی غافل ائتمیشم.
زلف سیاه یار خیالیله، زاهدا،
تسبیح قصدینه اؤزومو مایل ائتمیشم.
سرمست لیکده سؤیله‌میشم مئی حرام دیر،
حکم خطادی بو، عمل باطیل ائتمیشم.
سیّد، جاهاندا کسرق ایله یوخ روجوعوموز
کیم، بحر وحدته اؤزومو واصیل ائتمیشم.