سیّدا، شعر گوهربار ائدردین خواهش

ای کؤنول، سرو سمنده سن ایدین، یا من ایدیم؟
یارایله سئیر چمنده سن ایدین، یا من ایدیم؟
جلوۀ نازده اول شاهسواری گؤرجک،
ییخیلان پای سمنده سن ایدین، یا من ایدیم؟
زلف تارینی قیلان بوینوا زنجیر جنون،
اولمایان تارییا بنده سن ایدین، یا من ایدیم؟
گه سنه یومن یمین وار ایدی، گه یوسر یسار.
لعلی ذوقیله یمنده سن ایدین، یا من ایدیم؟
حسن رخسارینا کام ایله قیلان نظاره،
دولت وجه حسنده سن ایدین، یا من ایدیم؟
ظلمت خطله گؤره ن تیره عذار ماهین،
یوز قرا گونله وطنده سن ایدین، یا من ایدیم؟
سیّدا، شعر گوهربار ائدردین خواهش،
طالبدور عدنده سن ایدین، یا من ایدیم؟