بیلدی منی نادان، ائله‌دی پند خلایق

بیر لعلی سئویب عشقده سودا لره دوشدوم.
مجنونه دؤنوب دامن صحرا لره دوشدوم.
سودای سر زلفده سرمایه می وئردیم،
سود ائیله‌مه دیم، گؤر نئجه سودا لره دوشدوم.
بیر طفل صغیر آلدی منیم عقلیمی الدن،
ای پیر کؤنول، گؤر غم کوبرا لره دوشدوم.
هر جانیبه باخ، بیر بت هرجایی گؤرسن،
هر یئرده عجب تؤهمت بیجا لره دوشدوم.
سنانی اولوب، بیر بت ترسا طلبینده
هردم هوس دئیرو کلیسا لره دوشدوم.
شاید گتیرم دامنه اول دور یتیمی،
غواصه دؤنوب عشقله دریا لره دوشدوم.
تا کی، بیر الین اؤپمک اوچون پیر مغانین
ساقی نین ایاغیندان اؤپوب پالره دوشدوم.
عکس روخوو ساغر صهباده گؤره ن دم،
بیتاب اولوبان اؤزگه تمنا لره دوشدوم.
بیلدی منی نادان، ائله‌دی پند خلایق،
صد شکر کی، سیّد، دل دانا لره دوشدوم.