دریالاری آشدیم، دئدیم: الله کریم دیر.

سودا لره دوشدوم، دئدیم: الله کریم دیر،
گر یاندیم، آلیشدیم، دئدیم: الله کریم دیر.
بند اولدو کؤنول تار سر زلف نگاره،
بو دامه ایلیشدیم، دئدیم: الله کریم دیر.
یاندیردی منی شعشعۀ نور جمالی،
بو ناره آلیشدیم، دئدیم: الله کریم دیر.
گه یاخدی منی هجر روخی، گاه وصالی،
اودلاره توتوشدوم، دئدیم: الله کریم دیر.
خام ایدی کؤنول دوشدو غم بوتۀ عشقه،
اول بوته ده بیشدیم، دئدیم: الله کریم دیر.
سیّد، دولانیب گون تکی مجموع جاهانی
دریالاری آشدیم، دئدیم: الله کریم دیر.