منو
بو قدر سیّده جور ائتمه، ای ملایک خو،
اوزون حدیثینی دون سؤیلدیم بیر آیه قدر،
گؤرک کی، شرحینی واعظ بیلیر بیر آیه قدر؟
صفای کعبۀ کویین تاپارمی شیخ حرم،
اگر یوز ایل یوگوره مرو دن صفایه قدر.
دئدیم: وصالین اوچون چوخ دعالار ائیلهمیشم،
دئدی: چاتیبدی سنه ائتدیگین دوایه قدر.
دوننکی گون ده گون ایدی، بو گون ده بیر گون دور،
ولی تفاوت و وار ارض دن سمایه قدر.
بو قدر سیّده جور ائتمه، ای ملایک خو،
فدا اولوم سنه، اؤلمزمی بو جفایه قدر؟