تا قویمایا دوداغینی دلبر دوداغیما

هر عاشیقین کی، سن کیمی بیر گول یاناغی وار،
لاله کیمی، عیاندی کی، کؤکسونده داغی وار.
کؤنلومو تازه داغ لرین روشن ایلمیش،
شام غمینده، شکر، اونون شبچراغی وار.
سونبول اؤزونو زلفوه اوخشاتدی بیر گئجه،
گؤردو خطا دیر، ایندی پریشان دماغی وار.
تا قویمایا دوداغینی دلبر دوداغیما،
من باور ائتمنم کی، او ماهین دوداغی وار.
تا خار محنتین دل پرخونه سانجیلیب،
ای گولعذار، لاله گولون گول فراغی وار.
سیّد یئتیردی آخر اؤزون خوم آیاغینا،
باشیندا شور نشه سی، الده ایاغی وار.