سیّدا، گلدیکجه اول رخسار آتش گونه خط

چون گلیر رخساره خط، حسنون لطافتدن دوشر،
لکه دار اولسا اگر الماس قیمتدن دوشر.
لالۀ رویین ائدر چون داغ پنهان آشکار،
سونبول گیسولرین تاب و طراوتدن دوشر.
لال اولور عاشیق، گئدر چون حسنو الدن دلبرین،
رسم دیر، فصل خزان بولبول فصاحتدن دوشر.
خط گلنده، خلق آرا معشوق اولور بی اعتبار،
فی الحقیقت، حاکم معزول حؤرمتدن دوشر.
اول قدر جور ائتمه عشاقه کی، چکسین سندن ال،
شه رعیت سیز اولا، البته، شوکتدن دوشر.
بو قد و رخسارایله سئیر گولوستان ایله سن،
گول گیریبانچاک اولور، سرو ایستیقامتدن دوشر.
سیّدا، گلدیکجه اول رخسار آتشگونه خط،
گون به گوندن سینۀ عاشیق حرارتدن دوشر.