غافلدی گر اول شمع غمیندن، نه مزمت

ای گول، سنه حال دل شیدانی دئمزلر،
حال دل زار من روسوانی دئمزلر.
گؤردوم او سیه تورنی رخساروا دوشموش،
یاندیم اودا، بو آتش سوزانی دئمزلر.
خطین بیلیریک مصحف حسنونده، نه معنا،
لفظی اوخودورلار بیزه، معنانی دئمزلر.
سرّ دهن یاری، کؤنول، آختار، اؤزون تاپ،
سؤز یوخ کی، آچیب شخصه معمانی دئمزلر.
لعلین غمی اؤلدوردو منی، کیمسه اینانماز،
جان قاتی لی عالمده مسیحانی دئمزلر.
بیمار منی ائتدی گؤزون، ایککی دوداغین
دردیمی بیلیرلر، منه درمانی دئمزلر.
غافلدی گر اول شمع غمیندن، نه مزمت،
سیّد، اونا سوز دل شیدانی دئمزلر.