سیّد، منی اویقویه وئریب فکر و خیالیم

عشق اهلی کی، خال لب جانانی اؤپرلر،
اول کعبه آرا وئرمک اوچون جانی، اؤپرلر.
اؤپسم اوزوو، ای اوزو مصحف، نه گناهیم،
بو سنت مشهوردو، قرآنی اؤپرلر.
عطشان جگریم یاره لری، برقوی گؤرجک
باغرینا باسیب ناوک پئیکانی اؤپرلر.
ساغرلری سیندیرماغیمین وجهی بودور کیم،
لبریز مئی اولسا، لب جانانی اؤپرلر.
من آغلاییرام، یاتمایا تا مردم عالم،
شاید یوخدا اول لب خندانی اؤپرلر.
اطفال دبیستان گول رویین هوسیندن،
هردم آچیب اوراق ”گولوستان”ای اؤپرلر.
غمزن اوخو کویون داشنا قانیمی تؤکسه،
افواج ملایک گلیب اول قانی اؤپرلر.
سیّد، منی اویقویه وئریب فکر و خیالیم،
لعل لبوی هر گئجه پنهانی اؤپرلر.