بولبول گولزار قدس ایدین ازلدن، سیّدا

آفتاب زرفشان، یا بادۀ یاقوت دور،
روح روح الله عظیم، روح اوچون یا قوت دور.
لبمیدیر، ای خیضر خط، یا چشمۀ آب حیات،
خال دیر دور روخونده، یا خط یاقوت دور.
ایکی زلفون سرنگون چاه زنخدانه دوشوب،
چاه بابیلده مگر هاروت ایله ماروت دور.
اولماییب دیر، ای قمر، گونده کوسوف آفتاب،
حسنوو گؤرموش قاچیب رنگی، بو گون مبهوت دور.
بادۀ گولفام ایله آلوده اولموش جامه سی،
یا دامیب پیراهن دلداره قاره توت دور.
گؤزلرین تعلیم سحر ائیلر سنین مردم لره،
ای گؤزوم نورو، بولار هاروت ایله ماروت دور؟!
بولبول گولزار قدس ایدین ازلدن، سیّدا،
حیف کیم، ایندی مقامین عالم ناسوت دور