گریان سنی گؤردوکده اولور گول کیمی خندان

ایسترسن اگر، ای دل شیدا، فرح اولسون،
ایچ دلبرایله ساغر صهبا، فرح اولسون.
اؤپ لعل لب دلبری، ایچ بادۀ گولگون،
معجون مفرحدی، سنه تا فرح اولسون.
سربسته معمادی سور اول غنچه دهانی،
شاید کی، آچیلسین بو معما، فرح اولسون.
ایچ باده کی، اولسون ایکی امرین بیری حاصل،
یا غصه گتیرسین سنه مئی، یا فرح اولسون.
موقوف ایسه قلبین فرحی قتلیمه، بیللاه،
اؤلدور منی، ای دلبر زیبا، فرح اولسون.
گریان سنی گؤردوکده اولور گول کیمی خندان،
تک اول گوله، ای سیّد روسوا، فرح اولسون.