گاه عیشوه، گاه غمزه، گاه خشم و، گاه ناز،

جمع ایکن رخساروه زلفون پریشان ائیله دین،
مندن ای گول، اول جمال الاللهی پنهان ائیله دین.
باغه گیردین اول عذار آلدن آچدین نقاب،
غنچه نین باغرین حسددن دم به دم قان ائیله دین.
عرض رخسار ائیله دین گولشنده، ای گول بولبوله،
بولبولو گولزار عشقینده پشیمان ائیله دین.
بوینوما سالدین او مشکین زلفوون زنّارینی،
ای بت ترسا، منی عشقینده صنعان ائیله دین.
اولدو هر بیر ذره دن عشقین تجّلاسی عیان،
عالمی موسی تک، ای خورشید، حیران ائیله دین.
کنز مخفی دن عیان اولدو دور شهوارلر،
قطره نی، ای بحر احسان، دور غلطان ائیله دین.
گاه عیشوه، گاه غمزه، گاه خیشم و، گاه ناز،
سیّده هر گونده بیر نوع ایله احسان ائیله دین.