منو
بولبول کیمی فغانه گلیب آغلا سیّدا
ای همنیشین کی، سن منه غمخوار اولموسان،
ظنیم بودور رقیب من زار اولموسان.
هر گونکو پندوه بو نصیحت لر اوخشاماز،
غافل، بو دامه سن ده گرفتار اولموسان؟
مدتدی بزم غیر اولوب اول ماه منزلی،
ای آسمان، ندن بئله بیکار اولموسان.
سندن سیوایه جور ائلمز یار، ای کؤنول،
نئتدین کی، سن بو لطفه سزاوار اولموسان.
بولبول کیمی فغانه گلیب آغلا سیّدا،
اول گول یانیندا بؤیله کی، سن خوار اولموسان.