خوب لر زلفینده گؤرسن بو پریشان کؤنلومو

ای کؤنول، مسجید یولون ترک ائت، ره میخانه توت.
توتما الده زاهدین تسبیحینی، پیمانه توت.
زاهد و مسجید تمناسین چوخ ائتمه، ای کؤنول،
زاهدی بیر جغد بیل، هم مسجیدی ویرانه توت.
خوب لر زلفینده گؤرسن بو پریشان کؤنلومو،
بوینو باغلانمیش اونو، زنجیره بیر دیوانه توت.
اول مه نامهربان ایستر کی، زلفون داراسین،
سن گؤتور آیینه ای گون، ای قمر، سن شانه توت.
جان وئریب جانانه، یان شمع روخوندن دلبرین،
گر کمال ایسترسن ای دل، شیوۀ پروانه توت.
خوب لر عشقینده گؤر ایمدی منیم روسوالیغیم،
قصۀ فرهاد ایله مجنونو بیر افسانه توت.
گیرمه سن مسجیدلره نامرد زاهدلر کیمی،
سیّدا، میخانه ده پیمانه نی مردانه توت.