حمدلر خالق بی مثله کی، شیروانی گئنه

ماشاللاه، بو گؤزل کیمدی کی، شیروانه گلیب،
لبینی مردۀ صد ساله گؤروب جانه گلیب.
حمدلر خالق بی مثله کی، شیروانی گئنه،
سالماغا تازه دن اول موغبچه سامانه گلیب.
مئیده یوخ لعل لبینده اولان آثار صفا،
سانما کی، گردشه هرگز بئله پیمانه گلیب.
ورق عارض آلین گؤروب اول لاله روخون،
باغ آرا بولبول شیدا گئنه افغانه گلیب.
دئمرم آدینی من، باخ سر هر بیته بو گون،
بیلیسن سیّد اؤزون کیمدی کی، شیروانه گلیب.