دون دئدین کیم، منه، ای شاه، گدا دیر سیّد

سن منیم، ای لبی جان بخش کی، جانانیمسان،
سنه قربان نه دئیم جانی کی، سن جانیمسان.
نئیلیرم سروی، اوزون سؤز نه گرک دیر، ای گول،
راست اولدور کی، اؤزون سرو خرامانیمسان.
نئیلیرم سروی، گولو گولشنی، ای لاله عذار،
سن منیم سرو گولو سونبول و ریحانیمسان.
من سنین مورینم، ای سبز خط و مشکین مو،
سن منیم تخت حکومتده سلیمانیمسان.
یوخو واریمدی فدا، ای دهن یار، سنه
کی، منیم دهرده سن مونس پنهانیمسان.
کاکیلین آیت ”واللیل”دی، “والشمس” یوزون،
سن منیم مکتب عشاقده قرآنیمسان.
دون دئدین کیم، منه، ای شاه، گدا دیر سیّد،
ائله بیلدیم کی، دئدین عالمه سلطانیمسان.