ای سیّد پیر، ایله مئی وحدته رغبت

ای نور سماوات و زمین، گرچی نهانسان،
اما نظر عارف و داناده عیانسان.
باطن گؤزونون یوخ سنی گؤرمکده قصوری،
ظاهر گؤزو گؤرمز سنی، البته، نهانسان.
ذاتین ائله‌ییب جملۀ اشیاده تجّلا،
موسی کؤزونه تور حقیقتده عیانسان.
بیر آدم و عیسی ده دئگیل نفخۀ روحون،
عالم هامی قالیبدی، سن اول قالیبه جانسان.
کسّن نظر فیضوی بیر لحظه جاهاندان،
نابود اولور عالم، سن اونا روح روانسان.
گه باد صبا تک وئریسن*گولشنه رونق،
گه سولدوروسان** گول لری، سن باد خزانسان.
سن قایم بی ذات سن، عالم هامی بیلغئیر،
خللاق سماوات و زمین، کون و مکانسان.
مینبیر آدی نین هر بیری بیر عاشیقه مونس،
تاپماز سنی بیر کس، گئنه بی نام و نشانسان.
ای سیّد پیر، ایله مئی وحدته رغبت،
ایسترسن اگر اولماغا همواره جاوان، سن؟
__________
* وئریرسن
** سولدورورسان