گتیریب تازه گئنه شهره جهنم خبرین

عالمه فتنه سالان معدن شردیر واعظ،
حاش لیللاه دئمنم من کی، بشردیر واعظ.
آناسی دامن محرابه آتیب قونداغین،
ائیله‌مه جهل کی، مجهول پدردیر واعظ.
گتیریب تازه گئنه شهره جهنم خبرین،
صفتیندن دئیه سن اهلی سقردیر واعظ.
“رتب و یابیس دن” آچیب باب، سالیب مبحثه لر،
قورو سؤزدن نه بیتر، معدن شردیر واعظ.
اؤزو لایقی لو سرمست مئ غفلت دیر،
سؤیلییر بادنی کیم، عقله ضردیر، واعظ.
یوخ یقین اولمایان ایشدن سؤزونو نقل ائیلر،
سیّدا، وار خبریم، اهل خبردیر واعظ.