بو نامه نی کی، یار دل آرام گؤندریب،
جانه سورور، کؤنلومه آرام گؤندریب.
کافوره سحرایله ائلهییب مشک دن رغم،
صبح اوزره یا کی، نقش قیلیب شام گؤندریب.
بو نامه ایله جانه وئریب سرفرازلیق،
ناکام و زار کؤنلومه بیر کام گؤندریب.
اؤز عاشیق شکسته دل و بی قرارینا،
اول نامه ایله بیر نئچه پیغام گؤندریب.
بیلمیش گونوم فراقی ایله قاره اولدوغون،
درد و غم و فراقه سرنجام گؤندریب.
ائتمیش وصاله سیّد زارین امیدوار،
اؤز مبتلاسی کؤنلونه آرام گؤندریب.