گئدیب شکاره بو گون اول غزال میشکین مو

اول آهو گؤزلو، دئیرلر، بو گون شکاره گئدیب،
آلیبدی صبر و قراریمی آشکاره، گئدیب.
گئدیب شکاره بو گون اول غزال میشکین مو،
آپارماییب ایتینی بیلمیرم نه کاره گئدیب.
گلیر منه بو غمین هر دقیقه سی بیر آی،
بو گون او ماه کی، بو شهردن کناره گئدیب.
او شه فراغی منه روخ وئریبدی مات اولدوم،
وضعر عقل دوشوب درده، اول سواره گئدیب.
بو گون منیم گؤزومه آفتاب تار گلیر،
او زلفی قاره گونومو ائدیبدی قاره، گئدیب.
گئدیب او قاشی کامان غیریله شکاره بو گون،
خدنگ هجری وروب خاطریمه یاره، گئدیب.
اولوبدو غایب او ماهین بهشت رخساری،
سالیبدی سیّدینی آشکاره ناره، گئدیب.