سیّد سوخته نی آتش ناز ایله یاخیب

دؤزمه‌ییب هجره، کؤنول، هر گئجه فریاد ائتدین،
آخر اول ماهی منیم قتلیمه جلاد ائتدین.
زلف مشکی نینه دل وئردین، او، قانین تؤکدو،
بو خطا دوشدو اؤزوندن، منه ایسناد ائتدین.
التفاط ائیله دین اوّل منه شیرین شیرین،
آخر عشقینده منی عالمه فرهاد ائتدین.
یوخ ایدی عاشیق شیدا اورگین قان ائتمک،
بونو دا خوب لار آراسیندا سن ایجاد ائتدین.
سیّد سوخته نی آتش ناز ایله یاخیب،
شمع پروانه نی یاندیرماغا معتاد ائتدین.