منو
تلخ اولور سؤزلرین، آثار ملاحت قالماز
سنده، ای لعلی شکر، بونجا وجاهت قالماز،
دیلی – صد پارۀ عاشیق ده جراحت قالماز.
ذوق وئرمز دخی عشق اهلینه شیرین دهنین،
تلخ اولور سؤزلرین، آثار ملاحت قالماز.
صبح رخساروو، ای ماه، توتار ظلمت خط،
سیبقت لئیل اولا صبح اوزره صباحت قالماز.
خط باسار آرزوی حسنوو ائیلر برهم،
دخی اول نقش دل آراده طراوت قالماز.
لب لرین مؤجیز ایله مورده‌لر ائتمز احیا،
نفس پاک مسیحاده فصاحت قالماز.
گؤزلرین یادی ایله سینه ده آساییش یوخ،
ایکی بیمار اولان خانه ده راحت قالماز.
لب یارایله مکر اولا گر قافییه لر،
سیّدا، قند مکردی، قباحت قالماز.