آغزین آچیب خیتابیما وئرمز جاواب او گول

قورتاردی نصف شامده، ساقی، شرابیمیز،
ائتدی قوروب، حیف، بیزیم آفتابیمیز.
باخما کتاب حیکمته، مئی تؤک کیتایبیه،
چوخ دان ایتیبدی، ای لبی مئیگون، کتابیمیز.
دئرلر بهشت اهلینه جنّتده یوخ عذاب،
بس کوی یارده نیه آرتدی عذابیمیز؟
آغزین آچیب خیتابیما وئرمز جاواب او گول،
پنهان نه سؤیلییم کی، وئریلدی جاوابیمیز.
زاهد سؤزیله ایله مه د یک بیر ثوابه میل،
بسدیر جزا گونونده بیزه بو ثوابیمیز.
بولبول پرینده باشینی گیزلتدی شرمدن،
اسکیک دئگیل او غنچۀ تردن حجابیمیز.
سیّد، همیشه طالب مئیخانییک مگر
بو خاک دن سیرشته اولوبدور تورابیمیز؟!