قربانین اولوم من، بئله نازیک بدن اولماز

یاریم کیمی بیر سرو قد و گول بدن اولماز.
رخسارینا بنزر او گولون نسترن اولماز.
مجروح اولور، ای گول، بدنین سایۀ گول دن،
قربانین اولوم من، بئله نازیک بدن اولماز.
دریعددیشین تک دور شهوار تاپیلماز،
لعلین کیمی کان ایچره عقیق یمن اولماز.
ائیلر حوکما نکتۀ موهومو مشخص،
سرّ دهنین نقطه سین اما بیلن اولماز.
هر آدی محمد اولا بیلمز شه بطحاء،
هر عاشیق دل خسته اویس قرن اولماز.
دفن ایلیین عوریان منی کویینده او ماهین،
شرع ایله مشخصدی، شهیده کفن اولماز.
حیواندی کی، یوخ باشی نین افساری، حقیقت،
هر کیمسنه کیم عاشیق وجه حسن اولماز.
اول یوسف گول چهره غمیندن سنه، سیّد،
شیروان نیه هر لحظه ده بیت الحزن اولماز؟