یاردن آیریلدی، بیلمز شام هجران حالینی

تا سحر شام فراغین کوکب فشان دیر گؤزوم،
اشک گولگون ایچره، ای بی مهر، پنهان دیر گؤزوم.
گه گؤزون یادیله کؤنلوم درد ایله بیماردیر،
گه لب لعلین خیالیندن دولو قان دیر گؤزوم.
گه گؤزوم احوالینا کؤنلوم قیلیر فریادلر،
گاه کؤنلوم دردینه سوز ایله گریاندیر گؤزوم.
دور چشم اشکباریمدا صف مژکان دئگیل،
اول پری نین اوخلاریندان دولو پئیکان دیر گؤزوم.
یاردن آیریلدی، بیلمز شام هجران حالینی،
سیّد بیچاره احوالینه حیران دیر گؤزوم.