چکه زنجیر سر زلفه دل شیدانی

ایسته ییر شهردن اول دلبر مهپاره گئده،
گونومو هجرده زلفو تک ائدیب قاره گئده.
بو خبردن کی، گئدیب یار، اورگیم گئتدی منیم،
آه او گوندن کی، مقابل دن او مهپاره گئده.
او کامان قاش نولا کیم، تیر نگاهیله منی
بیر ثواب ایله‌ییبن اؤلدوره، قورتاره، گئده.
آخیب ای قانلی یاشیم، یوللاری مسدود ایله،
قویما کیم، بیر طرف اول دلبر خونخواره گئده.
قورخ او گوندن کی، او مهپاره فراغیندا، فلک،
باده آهیملا منیم ثابت و سیّاره گئده.
چکه زنجیر سر زلفه دل شیدانی،
قیلا بو سیّد دیوانه یه بیر چاره، گئده.