آ.س. پوشکین حاقیندا

آ.س. پوشکین حاقیندا

تعالی الله، زهی قادر، الیم و اقدس و اعلا
کی، مجموع جاهانی آلتی گونده ائیله‌دی پیدا.
قیلیب آلتیمجی گون اؤز صورتینده خلق انسانی،
عدن باغیندا قویدو شاد و خرم یاوری حوا.
اونون نسلینده قویدو بیر نجات اهلین کی، عالمده
اونونلا پاک اولدو معصیتدن مردم دنیا.
نظام عالمین اجراسینا هر قرنده بیر کس،
رسول قوم اولوبدور کی، دولانسین عالی و ادنا.
وجوده گلدی روس پرهنر نوح اوغلو “یافس”دن،
دم تقسیمده ملک شمالی ائتدی لر ماوا.
همان روسون آدیله آدلانیب دیر ملک روسیه
و لاکین دل لرینده وار ایدی چوخ کسرلر پیدا.
زبان روسی آسان ائتمه یه تقریر و تحریره،
اگرچی خیلی زحمت لر چکیب هر عارف و دانا.
ولی بو آخرینجی دفعه ده بیر افسبو اکمل
لسان و هم لغات روسی ائتدی تازه دن احیا.
“آلئکساندر” کیم اولدور “سئرگئیجویچ پوشکین” لقب شاعر،
نئچه نافۀ کتاب ائتمیشدی اول شیرین سخن انشاء،
مجالس لر تاپیب زینت او پاکین نثر و نظمیدن
کی، گویا هر کتاب اینجیل دیر، تحریر ائدن “لوقا”.
رومانلار کیم ائدیب تحریر اول سر دفتر عرفان،
اگر گوش ائتسه ذوقوندن اونون مجنون اولور لیلا.
دریغا، گئتدی دنیادن او شخص عارف و کارایل!
اونون جنّتده روحون شاد قیلسین حضرت عیسی.
اگرچی اؤز حیاتیندا گؤروبدور چوخ نوازش لر،
ولی، بد از وفات اولدو اونا هم حرمت عظما.
همای ملک و دولت، امپراطور معظمدن
چیخیب فرمان بو کیم، تعمیر اولونسون مرقد والا.
اولوب تعمیر او والانین مزاری حکم شاه ایله،
شهنشاه معظم قیلدی اؤز آثارینی ابقا.
خدایا، باقی اولسون دولت سلطان آلئکساندر
کی، اهل علمه ائتدی احترام اول شاه بی همتا.
نه اینکی اهل علمه حرمت ائیلر اؤز حیاتیندا،
وفاتیندان سورا علم اهلی نین نامین قیلیر احیا.
زهی سلطان عادل قدردان کیم، ذات والاسی،
تاپیب دیر رفعت ایله جملۀ عالمده استثنا.
همیشه قیل دعا، سیّد، بو شاه قدردان اوچون
کی، اولدور اهل قافقازه ولی نعمت کبرا.
ایلاهی، قیل اؤزین، قارداشلارین، هم اوغلونو دایم،
بلالردن سلامت، جمله ائت دشمن لرین رسوا.