منو
اوغلوما نصیحت
اوغلوما نصیحت
جعفر، ای سبط حیدر کرار،
مردلیک شیوه سینده اول هوشیار.
کیشی لیک واردیر اگر سنده،
اولما عیب زنانه جویه (جویا)
ناقص العقل دیر گروه نسا
اولما ناقص لر عیبینه جویا.
اؤزگه‌لر عورتینی ائیله‌مه ذمّ،
شیشۀ خلقه آتما سنگ ستم.
ائتمه نامحرمه، یاماندی، نظر،
نهی ائدیب دیر جناب پیغمبر.
ائیله‌مه اؤزگه عورتین تهمت،
کذب و بهتانه ائیله‌مه عادت.
سنه محتاج ائدیبدی عورتی حق،
ائتمه محتاجوه غضب ناحق.
فی المثل عورتینده اولسا خطا،
ائیله‌مه خلق آرا اونی رسوا.
طبع وه گلمه سه خصالی پسند،
رد قیل، وئر طلاقین، ای فرزند.
پرده سین آچما، ضبط قیل اسرار،
آچماسین تا کی پرده نی ستّار.
نئجه کیم، بو حکایت زیبا
سنه بو ماجرانی ائیلر ادا.