منو
سنجان شاهی نین یوخوسو
سنجان شاهی نین یوخوسو
یوخدا گؤردو شاه سنجانی –
کی، تؤکولموش تمام دندانی.
بیر مبیردن ائتدی آنی سئوال،
دئدی:– ای پادشاه ارش جلال،
بیل کی، دندان دیر سنه اولاد،
بؤیله یازمش کتابده استاد:
اؤله جک دیر سنین چوخ اولادین.
چیخاجاق ارشه آه و فریادین.
دئدی شه:– بؤیله دیر، دئیل بهتان،
قتلینه ائیله‌دی اونون فرمان.
ایسته‌دی بیر مبیر دیگر.
بو مبیردن ائتدی حالی سئوال،
دئدی:– ای پادشاه نیکوفال،
گؤردوگون خواب ایچون بودور تعبیر،
حق سنه لطف ائدیبدی عمر طویل.
چون بو رمزی ائشیتدی شاه جاوان،
وئردی بو شخصه خلعت الوان.
دئدی لر:– ای شه زمین و زمن،
صادر اولدی عجیبه ایش سندن.
هر مبیر کی، حالی ائتدی بیان،
سؤیلدین بؤیله دیر، دئیل بهتان.
بیرینی قانه ائیله دین غلطان،
بیرینه خلعت ائیله دین احسان.
دئدی:– آری، او ایکی مرد دلیر
یوخومو یاخشی ائتدی لر تعبیر.
لیک اوّل کی شخص ایدی نادان،
سؤزو بی پرده قیلدی شرح و بیان.
نئجه اوّل کی ائیله‌دی تعبیر،
سونراکی ائیله قیلدی هم تقریر.
سؤزو لازمدی شخص ائیله دئسین –
کی، طبیعت او سؤزدن اینجیمه سین.