آروادینی بوشامیش کیشی حکایتی

وئردی بیر شخص عورتینه طلاق،
وجهین اوندان سوروشدو بیر سارساق.
دئدی اول شخص:– ای سفیه و دغا،
عیب دیر ائتدیگین سئوال سانا.
بئله بی غیرتم مگر، ای پیر،
عورتیم عیبینی قیلیم تقریر.
چکدی سایل سئوال دان خجلت،
بو حکایت دن اؤتدو بیر مدت،
گئتدی بیر شخص دیگره اول زن،
یئنه بو سوردو اول رفیقیندن.
دئدی:– ای دوست، ایندی اول عورت
اولدی بیر شخص دیگره قسمت.
نه ایچون سن طلاقینی وئردین،
اوندا آیا نه بد عمل گؤردون؟
دئدی کیم، ای برادر نادان،
سوردوغون عیب ناروادن اوتان!
او گئدیب اؤزگه یه اولوبدور زن،
سوروشورسان غریبه سؤز مندن.
من سنه غیر صحبتین دانشیم،
اؤزگه نین عیب عورتین دانشیم؟
سورما، خاموش اول بو صحبتدن،
خوف قیل ذلت قیامتدن!