اوغلوما خطاب

ای اوغول، اکثر زنان جاهان
اری نین مرگینه اولور نگران.
دوشر اول شوم بو تمنایه –
کی، گئده شاید اوندان اعلایه.
ائتسه هر ساده رو جوانه نظر،
بو منه کاش اولا دئیر شوهر!
نه گؤزه ل بیغ چکیب بناگوشه،
منی هر شب چکیدی آغوشه!
اودو کیم، ائتدی قادر اعلام
مرد بیگانه نی زنانه حرام.
خوش دئیل گرچی مرد عورت سیز،
فعل یوخدور جاهاندا حکمت سیز.
لیک لازم دیر ائیله مک دقت،
عورت اولماز رجعتله هر عورت.
زن گرک خانه دان عصمتدن،
اهل تقوا و اهل عفت دن.
چوخ دا حسن و جماله ائتمه نظر،
سنی آللاتماسین زر و زیور.
بو عمل سنت مؤکد دیر،
رونق دین پاک احمد دیر.
دئدی:– تزویجه ائتمه ین رغبت
هیچ شک یوخ، دئیل منه امّت،
بویوروب:– امّتیم، قیلین تزویج،
دین اسلامه آرتیرین ترویج.
سیزده تزویجه انقیاد اولسون،
حشرده امّتیم زیاد اولسون.
امّتین چوخ لوغو باهاریم دیر،
اولسا دا سقت، افتخاریم دیر.
ازدواج ائیله دیر بقای بشر،
نوع انسانی اول زیاد ائیلر.
چوخدو بو بابده حدیث و خبر،
ای اوغول، تاپشیریبدو پیغمبر.
اختیارائیله سن اگر عورت،
گؤزومون نوری، ایله چوخ دقت.
تا کی باققال تک او مکاره
چکمه سین نعشوی سنین داره.