منو
اؤیود (دقیقه لش دیرمه)
اؤیود (دقیقه لش دیرمه)
ای اوغول، حضرت رسول الله
دئدی:– “الکاسبُ حبیب الله”*.
انبیالر هم اهل صنعت ایدی؛
آدمین صنعتی زراعت ایدی.
اولدی خیاط حضرت ادریس،
خلقه اول علمی ائیله‌دی تدریس.
حضرت نوح دور، اوغول، نجار،
کشتی علمین او ائیله‌دی اظهار.
داخی بزاز ایدی خلیل خدا،
تیکمه بند ایدی یونس زیبا.
ثبت عمران اولوب شعیبه چوبان،
اولدی داود زرگر دوران.
ابن داود صنعتی زنبیل،
زکریا کلیم باف ایدی بیل.
حضرتین پیشه سی تجارت ایدی،
داخی اول شاه اهل صنعت ایدی.
چوخ زامانلار او سرور کونئین
اؤز الیله تیکیب، ساتیب نعلین.
ای اوغول، بیل کی، آدم بیکار
خشک اولان بیر اودوندو، لایق نار.
بونو بیزدن دئییبدی لر اقدم:
صنعتی اولمایان دئیل آدم.
پوچ اولوب گئتسه دولتین وایه،
یئنه صنعت دیر الده سرمایه.
گر تجارتچون اولماسا دولت،
سعی قیل، حاصل ائیله بیر صنعت.
علم دیر اهل صنعتین هنری،
علم سیز صنعتین ندیر ثمری؟
علم سیز صنعتین نه مقداری؛
“کار بوزینه نیست نجاری**.
———————————
* الله زحمتکئشی سئویر
** دولگرلیک میمونون ایشی دئیل