منو
زنگانلی نین واقعه سی
زنگانلی نین واقعه سی
مرد خوش ریش شهر زنگانی،
یوخودا، یاتدی، گؤردو شیطانی.
ساققالیندان توتور دئییر، ای دون،
ذاتی آدم فریب اولان ملعون!
اوزادیبسان فریب ایچون ساققال،
آللادیرسان جاهانی، ای هیّال!
بیر نئچه سیللی وردو چون تکرار،
یوخودان اولدی ناگاهان بیدار.
گؤروب اؤز ساققالین الینده توتوب،
بیر نئچه سیللی اؤز اوزونه وروب.
خنده لرائیله‌دی خجالتدن،
شرمسار اولدی بؤیله حالتدن.